Comezamos un novo curso de Club de Ciencia

Anímate a participar no Club de Ciencia! Daremos toda a información na reunión deste venres no primeiro recreo.

Reciclaxe de porexpan

No Club de ciencia comezamos a liña de traballo sobre a economía circular, aprendendo a reciclar porexpan ou poliestireno expandido, un material plástico que causa un gran impacto ambiental nos ecosistemas, pois tarda 500 anos ou máis en degradarse. Mediante a súa reciclaxe, imos fabricar chaveiros e colgantes. Mostrarémosvos os resultados cando remate de secar e poidamos desmoldar. Tedes aquí fotos e un vídeo sobre o proceso de reciclaxe.

Aprendemos sobre fractais

Hoxe, tras visualizar un vídeo sobre fractais, fixemos unha aproximación a eles cortando e dobrando papel e cartolina.

Un fractal é unha figura que pode ser espacial ou plana, formada por compoñentes ininitos. A súa principal característica é que a súa apariencia e a maneira en que se distribúe non varía aínda cando se observe a diferentes escalas. Así, estas construcións en 3D fórmanse coas primeiras catro iteracións dun proceso que, repetido indefinidamente, daría lugar a unha estrutura tridimensional fractal.

Ademais, tamén os decoramos con símbolos matemáticos.

Pílula científica sobre o pH

Hoxe Grecia e Sheila explícannos neste vídeo como o extracto de col lombarda cambia de cor en función do pH do medio.

O día 22 comezamos!

Recordade que o próximo martes, 22 e outubro, comezamos o club de ciencia, que se realizará no mediodía, entre as clases da mañá e as da tarde. Aínda estades a tempo de apuntarvos!

Estreamos Club de Ciencia no IES Fernando Esquío

No curso 2024-2025 estreamos Club de Ciencia no IES Fernando Esquío! Se es alumno/a do centro e estás interesado/a en participar, faremos unha reunión informativa o martes 8 de outubro no segundo recreo, na aula de audiovisuais. Anímate e apúntate!