Esta semana traballamos as ilusións ópticas. Primeiro explicamos como o noso cerebro nos leva a percibir a realidade de distintas maneiras e, despois, os alumnos estiveron construíndo unha ilusión óptica utilizando a técnica da arte óptica, a través da que lograron que un debuxo en dúas dimensións parecese ter profundidade e movemento.
Estes son os logos presentados para o concurso lanzado polo Club de ciencia. Moitas grazas a todos/as os que participastes! Estade atentos que á volta das vacacións anunciaremos quen é o/a gañador/a!
No mes do libro e da lectura, desde o Club de ciencia do noso IES queremos facervos unha serie de recomendacións de lecturas científicas que nos parecen moi interesantes. Animádevos e levade algunha delas para estas vacacións de Semana Santa!
Na sesión de hoxe estivemos traballando cos caleidociclos. Primeiro explicamos en que consisten estas formas xeométricas e, despois de ver un vídeo sobre o proceso, os alumnos/as construíron os seus propios caleidociclos, algúns deles utilizando plantillas xa decoradas e, outros, elaborando os seus propios deseños.
Estas últimas semanas do club de ciencia continuamos traballando sobre os mosaicos.
Tras a anterior introdución sobre Escher e a súa obra, nunha segunda sesión acerca desta temática, o alumnado aprendeu sobre os debuxos xeométricos da Alhambra (nos que se inspiraron moitas das obras do autor) e debuxou varios deses mosaicos: o óso, a pajarita e o pétalo.
Posteriormente, nunha terceira sesión, os alumnos e alumnas construíron o seu propio mosaico partindo dunha tesela elaborada por eles mesmos.
Deixámosvos as imaxes das sesións a continuación:
Anímate a participar no concurso de logos do noso Club de ciencia. Tes ata o día 4 de abril para presentar o teu traballo. Ademais de convertirse no logo representante do Club, haberá premio para o deseño gañador!
Consulta as bases aquí.
