Co gallo da celebración do Mes da Ciencia en galego, hoxe no primeiro recreo, o alumnado de 2° de Bacharelato do Club de Ciencia levou a cabo un obradoiro sobre pH, explicando o cambio de cor de distintas substancias ás que se lles engadiu extracto de col lombarda, así como revelando unha mensaxe secreta mediante a utilización de cúrcuma diluída en alcohol.
Podedes ver o experimento neste vídeo.
Hoxe Grecia e Sheila explícannos neste vídeo como o extracto de col lombarda cambia de cor en función do pH do medio.
Hoxe no Club de ciencia o alumnado de 1º e 2º da ESO comezou a aprender sobre fractais para, en sesións posteriores, levar a cabo a construción dalgún. O alumnado de 4º ESO, 1º e 2º de Bacharelato traballou o cncepto de pH, mediante a extracción das antocianinas da col lombarda e a través do revelado de mensaxes con cúrcuma. Ademais, aproveitamos a sesión para facer unha cromatografía dos pigmentos da col lombarda.
Non vos perdades a reportaxe fotográfica!
