Necesitamos un logo para o noso Club de Ciencia!

Anímate a participar no concurso de logos do noso Club de ciencia. Tes ata o día 4 de abril para presentar o teu traballo. Ademais de convertirse no logo representante do Club, haberá premio para o deseño gañador!

Consulta as bases aquí.

Día da Muller e da Nena na Ciencia

Para conmemorar o Día da Muller e da Nena na Ciencia, no Club de ciencia traballamos a figura de Anna Atkins e fixemos as nosas propias cianotipias. Ademais, en colaboración co EDLG, elaboramos unha presentación sobre esta científica. Todos estes traballos témolos expostos no noso corredor. Para que poidades velos, deixámosvos unha presentación. Esperamos que vos guste!

Elaboración de xabóns

No noso Club de ciencia, unha das liñas de traballo que temos trata sobre a economía circular. Deste xeito, na nosa última sesión do club estivemos vendo como darlle unha segunda vida ao aceite, de maneira que elaboramos xabón a partir de aceite de oliva que  fora utilizado con anterioridade para cociñar. Para facelo, mesturamos este aceite, previamente filtrado, coa cantidade adecuada de hidróxido de sodio disolto en auga. O resultado foron os xabóns que vedes na presentación.

Introdución á construción de mosaicos

Na pasada sesión do club de ciencia coñecimos a obra de M.C. Escher, a través dun vídeo e algunhas láminas das súas obras máis populares. Proximamente trataremos de construír mosaicos sinxelos, ao estilo de Escher.

Ademais, dedicamos un anaco a aprender xogando, cos libros "Problemas de Matemáticas para Novatos", e construímos unhas bandas de Moebius.

Deixámosvos as fotografías da sesión!

Cianotipia e resolución de enigmas

Na primeira sesión do Club de ciencia despois das vacacións de Nadal, o alumnado da ESO estivo resolvendo enigmas do libro El país de las mates para novatos, así coma debuxando o mapa do camiño percorrido.

Pola súa banda, o alumnado do Bacharelato estivo facendo cianotipias e coñecendo a figura de Anna Atkins, da que faremos unha exposición polo Día da Muller e da Nena na Ciencia.

Chegou o Nadal ao Club de ciencia do IES Fernando Esquío

Nesta última sesión antes das vacacións de Nadal, rematamos de construír a nosa árbore de Sierpinski e estivemos xogando ao Tantrix, o Jenga e o IQ. Foi unha sesión moi produtiva e quedamos moi satisfeitos cos resultados!

No enlace deixámosvos todas as fotos relativas ao día de hoxe.

Mans robóticas

O alumnado participante no Club de ciencia construíu as mans robóticas que podedes ver na imaxe, empregando cartón, unhas cordas e tubos plásticos. Trátase dun proxecto desenvolvido polo Departamento de Tecnoloxía. Deixámosvos uns vídeos para que poidades ver o funcionamento. Non vos perdades o ben que lles quedaron os traballos!